Simcity 4 - 難為了首長...

尋日找到個舊game 來玩， Simcity 4。 我一直都幾鍾意玩這類要慢慢設計，要分析大量數據再作出決定既遊戲，不過Simcity 4 實在太難了!

一切都係佢太仔細，太仿真之過......

一開始當然就係起電廠啦，之後就起工業區同住宅區，等人民 (sims) 有地方住又可以番工。
再起埋水管同細細既商業區就OK啦。

由於唔想咁多污染，我起左低密度工業區，即係農田。 過左陣，發現極少稅收..... 原來農民係唔洗
交稅的!!!! 太可惡了，美國實在太多農業補貼了!!! 唔怪得其它國家既農業唔洗同美國爭啦。

之後既麻煩越來越多:

想住宅區質素高D，起左公園、球場同噴水池，但係因為每樣都要錢去維持的! 好貴好貴，原來打掃、公廁、園丁係咁中的...... 一格既公園居然每個月要 $25! 一年之後既費用加埋已經夠起個新的。 = =

好啦，有公園有電有水又有垃圾堆填區..... 咩話，食水被污染? 明明係係10km以外既乾淨湖水抽過來，點會污染!? 原來水管係唔可以近垃圾堆填區.... (我放左堆填區係10km以外....正好係抽水果度。)

好，改道啦... 居民要求真係多，又要學校又要警察又要醫院..... 起晒呢，又到教育及衛生局長找我，話太少需要服務既居民，叫我cut預算 (可以每一間學校分開來cut )，極煩....

有多幾個住宅區，發現每日早上8點及5點，街上都會塞車，附近居民又會話太嘈同空氣差。 起條雙線行車路比佢地，不過加番過收費亭，實行用者自負。 但之後發覺唔多人用，原來我既居民係新移民，無乜錢，唔想用收費既公路。

起下巴士站.... 又唔撘? 後來先知果D市民極之懶，之會行8格。 又要改個設計，起個巴士站係工業區中心 (要拆樓)，再係住宅區前面起個巴士站加個停車場，等佢地可能駕車之後轉用巴士。

之後又話唔夠垃圾堆填區.....減少電力同水既budget 又會唔太夠電同水.. 減醫院費用醫生又罷工..

去到E度，我既budget 已經係超級負數，加稅都夠唔番..... 就咁就破產。 (可以發 bonds 借錢，但係我個simcity 明顯無 AAA rating，利息好高，又要每個月還.....乜National government 唔會做擔保既咩。)

感覺個game 係玩 budgeting 多過起城市。樣樣野都要錢維持，高速公路又超貴...連公園都要錢...
基本上一定要起好多工廠先可能夠稅收，但污染太勁水就會被污染，又需要多間消防局。 最後又是不夠錢。

最有趣可能係你可以係你個城放一個人，跟住佢每一日既生活，起身番工到放工...同佢一齊塞車，一齊比傍邊個Big Ben 嘈到訓唔到 XD。 (明白到大笨鐘唔可以放係住宅區既道理)