珍惜生命，遠離迷信。

最近我個Blog 人氣總是不太高，所以決定加入一些非常有議論性的題材。我會以相對激進的言論，小小誇張的手法。不過我講前係有做功課的，我所有既 source 都有check。

人越大，就應該越有能力分辦是非。但是...香港某教派明顯反其道而行，鼓吹"反智"和盲從。我不知道外國情況是否一樣，不過香港既"某教"實在太過低能...咁既野都講得出，重勁過啊富汗既塔利班。

首先係最近既家暴條例討論:

保護人民免受暴力對待，竟然被理解為鼓吹同性戀.......請各位細心欣賞蘇牧師的言論。





0:58「係同性嘅性，同居離唔開性嘅關係，其實過去我地一路都係幫緊呢d嘅人，但我地心裏面難過嘅就係乜野呢，佢地不斷淋電油，又要點火，但佢地要求政府令到佢地唔受傷，冇可能架。」

原來在牧師你心目中，同居 = SEX，同性戀行為= 不斷淋電油，性=暴力=點火。

我真係為星期日去教會既人難過。如果我每星期都要聽咁既"道理"，我真係想落地獄。佢可能重會找好多"見證"，去證明佢講既野幾正確。 (例: 我以前做社會工作，見到好多Gay佬，佢地又淫又暴力，好恐怖架!)

大家如果有養狗，又同佢同居，咪等於.........

以下比番一個"正常"的睇法，中和一下。



其實，真正"點火"的，不就是牧師你和你教你信徒嗎?

挑撥異性戀者和同性戀者 (或者是信教者和不信者) 仇恨的言論，令社會分化、互相敵視言論，就是耶穌的教悔嗎?

耶穌教你愛你的親人，也要愛你的敵人。香港的某教卻教你制做敵人，甚至假想敵。

送各位"弟兄姊妹:

路 14:1 安息日，耶穌到一個法利賽人的首領家裡去喫飯，他們就窺探他。
路 14:2 在他面前有一個患水臌的人。
路 14:3 耶穌對律法師和法利賽人說：「安息日治病，可以不可以？」
路 14:4 他們卻不言語。耶穌就治好那人，叫他走了；

耶穌比你想象中更有Common Sense。


2. 黃大仙要改名?

神啊，在祢沒有難成的事，故此我們大膽呼求祢，把本區的名稱更改，以一個中性的「慈黃區」取而代之！我們亦盼在區內能建立一座基督教大樓，見證教會合一及高舉主耶穌基督！

全文:

www.tungfook.com/tungfook/w1/724_200507_08.doc

2007的文件 (真係用左慈黃區 = = ):

http://www.cityrenewal.com.hk/Image/GDOP2007/18%20District%20-%20WTS.pdf

其中

佢地究竟明唔明乜野係傳統文化，乜野係宗教。

居然重有咁既祈禱!!!世界真是無奇不有。

1. 請為香港（包括勵德邨、大坑）的居民在盂蘭節（註）無知拜偶像、拜鬼認罪代求，並求神的赦免、拯救和醫治臨在香港：
a. 農曆7月做神功戲及燒街衣；
b. 中秋舞火龍；
c. 拜有形的偶像；
d. 拜無形的偶像如瑪門（金錢）、名利等。

我係係度發現既:
http://www.uwants.com/viewthread.php?tid=7513596&extra=page%3D1&page=1
http://forum.timway.com/f/thread-237070-1-1.html

不過網友大多數都係講野唔經大腦，我一睇就發覺...........根本唔可能係前日，根本係2005年同2007年既事。大部份人無check 就鬧埋一份。反人地都都反得好D嘛..........所以我一直都講，要有Critical Thinking (批判性思考)。正反雙方都要理性地分析，唔係就不如唔好講。


今日的某教，做既事點解同恐怖分子咁相似?

分化人民 (非我教者都是壞人，佢地應該改變去迎合我教。) ，
利用恐懼控制教徒 (非我教的道德觀念都是危險及有極高傳染性的)，
反對理性思考 (天主創造萬物，全知全能，不過壞既事都唔關佢事。我遇到既好事都要多謝天主，肯定唔關觀音同真神事。所有聖經不合理的地方都是人理解錯，聖經一定岩，其它人一定錯。只要信，不要問。)
要以各種手段"糾正"社會 (傳教，鼓勵親朋戚友信教，開學校講耶穌，使用政治壓力。)


最後，送上一個我找到的網頁，希望可能幫到有需要的人士。

離教者之家

離教者之家支持鼓勵每位離教者，這裡有過來人的經驗，與你分享離教後的心情和走過的路，希望能沿途給你支持和鼓勵。



其實重有好多值得去反思的事，不過今日講住咁多先，唔係比啊媽以為我係憤青。

.