買樓投資!?

識我既人都知我完全唔讚成買樓係一種好既投資方法。買樓可以當投資重可以養老只係迷信!

講簡單D，樓只係高風險 ，低回報的一種資產。你買得唔好隨時變左負擔，唔係資產。

高風險:

1. 低流通量 (你最需要錢果時，就係經濟差，無成交果時，死未)
2. 借錢好危險的，好多人都唔明白做mortgage 同抄孖展係一樣既.....
3. 一跌就跌得好快，重要係成交弱果時
4. 個P任銀行改，佢加到100%你都要比
5. 租比人好快用到間屋殘
6. 比人知道你既財富有幾多
7. 天災人禍，可能連樓都無埋 (得罪人可能比人燒屋，但係燒唔到你股票同存款掛)

低回報:

1. 絕大多數跑輸股市
2. 絕大多數跑輸地產股
3. 好有可能跑輸定期
4. 好多費用要交 (差響，地租，管理費，大廈維修費，保險等....) [又麻煩又晒時間]
5. 回報要扣好多費用，除左上面果d，重有離印費，律師費，佣，雜費......(2 次，買同賣都要)

請不要再迷信，不要人講就信，不要做野唔經大腦。

如果你咁鍾意買樓，你就買房地產信託基金(REITS)啦，雖然都唔係咁好架啦:

例如 : 陽光房地產基金
http://www.sunlightreit.com/chi/index.htm

市價 = 1.38
雖然佢只係有 2、3流既商廈同商陽，不過根據佢既2008 Annual Report，佢淨資產有3.41。 P/B 得 0.4。 即係市場已經當佢既大廈會跌 6成。 (我唸無咁多掛，本來都唔係1線既場啦，雖然以前個價可能有水份)

最勁係佢派 0.242 HKD 既股息，你現在買有 17% 息。 (有用財技先咁高，不過唔計佢都有12%，不過應該唔會咁快無既)

即係就算佢一半既鋪位租唔出你都重有8% 息。

不過小心的我，唔會咁就買既。我根本唔覺得香港樓時會升番，可能一世都唔會。

不過你都要小心，香港既Reits都有"啊媽"既。果D啊媽好無良心，今年隻 2778 冠君產業信託 就係啊媽度高價接左橦"朗豪坊"番來，真係欲哭無淚..... btw，高價=125億元，搞到要集資。

你都有去過朗豪坊，你覺得佢係咪值125 億呢? 見人見智啦。