知道與相信 Knowing and Believing

太多人以為自已"知道"一樣野，其實只係"相信"。 如此態度，平時可能唔會覺得有問題，但係當個個都係咁，社會就會退步。

舉下例:

新聞同政府都話有"溫室效應"，你可能都有以此理由去叫人環保d。 但你有無"知道"地球最近溫度上升左幾多? 定係你聽人講得好似好有道理你就信? (雖然我都叫做信，但我同時相信有誇張既成份。)

早餐是一天最重要既一餐，食左全日精神d? 又係好多人講，無人求証。 其實中學都學過，胃消化一樣野要好耐，少則3~4個鐘，多則要半日。就算食左你都要好耐先吸收晒啦。同埋你消化系統間中都要休息下的。(不過早晨對經濟好緊要，所以相信你仍然會見到好多話"早餐最重要"既講法。)

食XXX對身體各方面和健康都有幫助。或食XXX對身體某促進方面發展。
最常聽到既DHA奶粉，我就唔係好信啦，你啊媽生得你蠢，你食幾多DHA都無用啦! 其實極有可能是身體是需要DHA，但係唔代表你食多左會聰明左，相信現代人既營養已經足夠。你要記得，人地牛頓同愛因思坦都無食DHA奶粉的!

其它果d，例如靈芝、綠藻、蜂蜜、大量中成藥，印度神油、其它油...... 其實係咪真係有用? 就算賣比你果個都唔知。

千奇唔好覺得: 食左無害咪得囉!

你咁做就係比錢生產商去騙更多人的錢，直接令更多人被騙。更甚就是你既錢本來可以用作嚴謹既科學研究，找到真正改善人健康的方法，但係你浪費左去"假貨"度。你重可能會因此落地獄。

再想想如果連人類主要既食品牛奶都可以出咁多事，"健康食品"咁次要既食品制作會唔會更安全?

你看鋼鐵講買量、原材料出口量、XXXX數據，可以知道未來N個月經濟。
你看到動物四處逃跑，可以知道未來N日會有地震。
(可能重附有圖表 + 理論)

只有幾次數據，根本唔可能有結論。
每次經濟出現問題，原因唔一定一樣。2000年之前都無原材料價格大變。
如果次次見到動物四處跑你就要防備地震，咁你年年都好唔得閒，重煩過月經。

因果關系唔係咁就証明到，你相信既未必係事實。人類好鍾意係無pattern 裡面想象一個 pattern出來，就好似Technical Analysis咁。 你講幾多理論都好，好多野無關系就無關系，有關系都未必係你所想既關系。

以前既人以為太陽圍繞地球轉，都講到好有道理，重可以話"每日都見到太陽升起，肯定無錯啦！" 同樣道理，Aztec每日都要殺一個獸士，要獻上人的心臟太陽先會升起。佢地都覺得每日太陽升起就係獻心臟有用既証據。 你覺得XXX，就會 YYY，你係知道定相信呢?


你係咪果種會講: 做乜諗咁多，開心咪得囉。 諗咁多做咩喎。
(未見過? No worries, TVB晚晚都有人演這種人。)

Fxxk! 聽到都想打佢! 我會同佢講:你唔死都無用啦。

世界上好多人都係咁，諗起都傷心。其它地方唔敢講，不過香港真係好多這種反智既人。我"相信"與香港教育制度有極大關系。基本上，作為香港學生你根本唔需要，學校都唔鼓勵你去求証你學既野。

"人講我就背，唔好問"已經變左主流。 其實咁根本唔係學習，因為你都唔知係咪聽緊錯既資料。越學越反智，其實係咪去左勞改?