金融危機是人類的轉機: 資源錯配

廿多年來，很多最聰明最能幹的人都在金融界工作，無他，因為人工實在不合常理地高。
如果你畢業一兩年就可以有4萬以上人工(每月，計入花紅)，對比全香港平家庭住戶收入中位數17250 HKD (2006年)，其實是非常高。 你要注意，家庭通常唔止一個人。

遠既唔講，講我做過既行業先。 我個人覺得如果一個聰明的人去做分析師或基金經理，完完全全係浪費人類既資源。 分析公司、股票，其實對社會、地球、世界都完全沒有貢獻，完全可以話係不事生產。 你分析得好又點? 間公司會變好咩? 科技會進步咩? 我覺得做M記絕對比做基金經理有意義。

情況就好似全個社會最聰明既人都做電影評論人，但只有無咁叻既人去拍電影一樣。根本就係資源錯配。 人都係一種資源，聰明、做得野既人更加少，咁浪費實在是一件錯事。

雖然係咁，我唔覺得做藝術和文學是無意義，因為唔係個個都要做農夫、工人先有意義。 文明既存在就係在於佢能夠養得起到一大班"不事生產"既人，例如藝術家，科學家，哲學家等，非洲就係因為個個都要去打獵，所以文明咁落後。

但係做金融行業既人實在太多太多，完全超出左應有的"勁人"人數。 (當然大家都有好多得把口，好笨又唔識野既人做銀行家，唔係都唔會有金融危機啦。)

小學開始都有咁既想法，所以現在金融行業抄晒D人，我一點都不覺得可惜。今次depression其實是非常好的一件事，唔應該悲觀。最好少後都唔會再有咁多人才去做金融業，我們將會有更好的明天。