無好奇心仍算是人嗎? Curiosity and Man

一直以來我都覺得，人如果無求知既心(好奇心)，咁我地既生存意義根本同動物無乜分別。
可能係講得誇張左，不過除左更加了解這個世界之外，人重可以做咩野係有意義的?
不過講就咁講，人通常都係生活得開心，唔會理有無意義。

由細開始我都好鍾意問野，同埋唔會輕易相信一樣野，可以話係好skeptical。

例由，見到一架車會行走，我就會想知點解車會行。通常會一步步咁唸:

(我覺得好多人最多去到第3~4部，佢地既好奇心就得到滿足。)

車會行，因為:
1. 個車軑會轉，同地面磨擦，產生反作用力。
2. 點解車軑會轉? 因為有摩打(引擎)。
3. 點解摩打可以轉? 因為用左汽油。
4.點解汽油可以令摩打轉? 因為汽油的化學能變成動能。
5.點將化學能變成動能? 有秩序地引爆汽油，推動引擎的活塞，從而令連住活塞的曲軸。
6.點解汽油可以爆? 因為佢分子之間的電子排序方式儲藏了能量，可經由丟掉電子給氧化劑來放出能量(光 + 熱)。
7.點解改變電子排序方式可以放出能量? 因為電子運行的軌道和它有的能量是有關的 (好似你上山要能量，電子要去"高"點的軌道也要能量。) 氧化過程就好似你落山咁，放番能量出來 (通常以發射光子 (光線/電磁波)的型式。 (因為能量是不滅的，一定要放番出來。)
8. 點解電子排序方式會改變? 因為，改變後的排列方式，是無數種排列方式中最高機會發生的。
其它任何的排序方式都是有可能的。(佢唔氧化既機會唔係無，不過極底。這已經去到量子力學)
9. 要知道唔同排列方式的機會率，就要計好多數啦......


感覺好多人唔係無好奇心，不過就去晒D好無謂既娛樂新聞果度。通常都係超普通既事，完全無特別....例如:
1. A小姐去了B酒巴會見了C先生。 (如果變左你啊爸同你啊媽去飲茶，咁D人重有無興趣呀?)
2. A小姐結婚/生仔/去街/食野/病左...... (同樣，個個都會架啦...可能下次有人見到佢呼吸都要報道)

我曾經發現有幾個人(都係香港人，唔係BB仔)，居然唔知道以下其中一樣野:

1. 地球圍繞太陽轉
2. 美國係邊度
3. male 同 female 係乜野
4. 猴子/猿唔會再進化做人

唔知既原因係同日常生活無關.............
我第一個反應係覺得佢地唔死都無用，點可以咁基本既求知欲都無???重係人來既?
..............唔通我要求太高??